Header Ads

Header ADS

ரஜினியை இயக்கும் முருகதாஸூக்கு மீண்டும் பல கோடி வழங்கிய சன் பிக்சர்ஸ்!


சன் பிக்சர்ஸ் நிறுவனம், அடுத்தப் படத்திற்காக ஏ.ஆர்.முருகதாஸை ‘சர்க்கார்’ படத்தை விட பல கோடி சம்பளம் கூடுதல் கொடுத்து தன் பக்கம் வளைத்துப் போட்டுள்ளது.

ஏ.ஆர்.முருகதாஸ் தற்போது விஜய்யை வைத்து ‘சர்க்கார்’ படத்தை இயக்கி வருகிறார். இந்தப் படத்தை சன் பிக்சர்ஸ் தயாரித்து வருகிறது. அடுத்தாக சன் பிக்சர்ஸ் சார்பில், ரஜினியின் அடுத்த படத்தை இயக்க பிரபல இயக்குனர் ஏ.ஆர்.முருகதாசுக்கு, ‘சர்க்கார்’ படத்திற்கு கொடுக்கப்பட உள்ள சம்பளத்தை விட பல கோடி கூடுதல் சம்பளம் கொடுத்து தன் பக்கம் இழுத்துக் கொண்டதாக கூறப்படுகிறது. 

விரைவில் அரசியலுக்கு வருகிறேன் என்று கூறிய ரஜினி அதன் பின் மூன்று படங்களில் நடித்துள்ளார். தற்போது சன் பிக்சர்ஸ் தயாரித்து வரும் ‘பேட்ட’ படத்திலும் நடித்து வருகிறார். இந்த படத்தின் படப்பிடிப்பு லக்னோவில் விறுவிறுப்பாக நடைபெற்று வருகிறது. இறுதிக்கட்ட படப்பிடிப்பு மதுரை பகுதியில் நடைபெற இருப்பதாக கூறப்படுகிறது. இந்த படத்தை தொடர்ந்து அடுத்து நடிக்க இருக்கும் புதிய படத்திற்கும், சன் டிவி நிறுவனத்துக்கே ரஜினி கால்ஷீட் கொடுத்திருக்கிறார் . 

தற்போது சன் டிவி தயாரிப்பில், பிரபல இயக்குனர் ஏ.ஆர்.முருகதாஸ் நடிகர் விஜயை வைத்து, சர்க்கார் படம் இயக்கி வருகிறார். இந்த படத்தின் படப்பிடிப்பு விரைவில் முடிவடைய உள்ள நிலையில், அடுத்த படத்தை இயக்க சன் டிவி நிறுவனத்திற்கே ஒப்பந்தமாகி உள்ளார். 

ரஜினியை வைத்து இயக்க உள்ள ஏ.ஆர்.முருகதாசின் படம் அடுத்த ஆண்டு ஜனவரியில் தொடங்கப்பட இருப்பதாக கூறப்படுகிறது. ரஜினி நடிப்பில் சன் பிக்சர்ஸ் தயாரிக்கும் மூன்றாவது படம் இது. அதுபோல, ஏ.ஆர்.முருகதாஸ் இயக்கத்தில் சன் பிக்சர்ஸ் தயாரிக்கும் இரண்டாவது படம் இது.

1 comment:

  1. Admin, you are missusing isaiyaruvifm radio web page and links,

    ReplyDelete

Powered by Blogger.