ரூ. 150 கோடியில் தயாராகும் விஜய்யுடன் இணையும் தனுஷ்!
ஏ.எல். விஜய் இயக்கத்தில், ரூ. 150 கோடி பட்ஜெட்டில் உருவாகவுள்ள படத்தில் நடிகர் தனுஷ் நடிக்க ஒப்பந்தமாகியுள்ளார்.
நடிகர் தனுஷ் தற்போது பல படங்களில் நடித்து வருகிறார். அவர் நடிப்பில் உருவாகியுள்ள மூன்று படங்கள் வெளியாவதற்கு தயாராக உள்ளன. ‘மாரி 2’, ‘வடசென்னை’, ‘எனை நோக்கி பாயும் தோட்டா’ ஆகிய படங்கள்.
இதை தொடர்ந்து நடிகர் தனுஷ், தேனாண்டாள் பிலிம்ஸ் நிறுவனத்திற்காக ஒரு படத்தை தற்போது இயக்கி வருகிறார். இந்தப் படத்தில் நடிகர்கள் நாகர்ஜுனா, ஸ்ரீகாந்த், நடிகை அதிதிராவ் உட்பட பல முன்னணி நட்சத்திரங்கள் நடித்து வருகின்றனர்.
இந்நிலையில் அடுத்ததாக நடிகர் தனுஷ், இயக்குனர் ஏ.எல்.விஜய் இயக்கத்தில் ஒரு படத்தில் நடிக்க ஒப்பந்தமாகியுள்ளார். இந்தப் படம் குமரி கண்டத்தை மையமாக கொண்ட வரலாற்று கதையம்சம் கொண்ட படம். இதற்காக இயக்குனர் விஜய் தற்போது திரைக்கதை அமைக்கும் பணியில் ஈடுபட்டு வருகிறார். இந்தப் படத்தின் பட்ஜெட் ரூ.150 கோடியாம்.
No comments